Գագիկ Բեգլարյանը այցելեց Արարատ, Վայոց Ձոր և Սյունիք

By | 23.12.2013 18:00
Խստաշունչ ձմռան պայմաններում ավտոճանապարհների անցանելիությունը, ճանշինների աշխատանքը տեղում ստուգելու նպատակով ՀՀ տրանսպորտի և կապի նախարար Գագիկ Բեգլարյանն այս անգամ այցելեց Արարատի, Վայոց Ձորի և Սյունիքի մարզեր։
syuniq2
Յուրաքանչյուր մարզում Ճանշինների ղեկավարները նախարարին զեկուցեցին իրենց ենթակայության տակ գտնվող ճանապարհներին մաքրման  աշխատանքների ընթացքը, առկա խնդիրներն ու դժվարությունները։
syuniq1
Նշվեց, որ բոլոր ճանշիններն ապահովված են անհրաժեշտ քանակությամբ աղ ու ավազով, ճանապարհների ձմեռային պահպանության համար նախատեսված տեխնիկայով, և եթե եղանակային պայմաններն անակնկալներ չմատուցեն` խնդիրներ չեն առաջանա։
syuniq3
Սակայն խնդիրներ լինում են, քանի որ լեռնային ռելիեֆի պայմաններում, ինչը հատուկ է Հայաստանի գրեթե բոլոր մարզերին, բուքն ու ձյունն ուղեկից են դժվարին այդ աշխատանքն իրականացնող մասնագետներին։
Շրջայցի ընթացքում ակնհայտ էր այն փաստը, որ ճանշինները հիմնականում կատարում են իրենց առջև դրված խնդիրը՝ ցանկացած եղանակային իրավիճակում կարողանում են անցանելի պահել ՀՀ ավտոճանապարհների՝ իրենց ենթակայությամբ գտնվող հատվածները։
syuniq5
ՀՀ տրանսպորտի և կապի նախարար Գագիկ Բեգլարյանը բոլոր Ճանշինների ղեկավարներին հանձնարարեց դժվարություններից և խնդիրներից խուսափելու համար ժամանակին կատարել աղով, ավազով մշակման և մաքրման աշխատանքները:

 

ՀՀ տրանսպորտի և կապի նախարարության
լրատվական ծառայություն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով