Գավառ տանող ճանապարհի 4կմ երկարությամբ հատվածը հիմնանորոգվում է

Տպել

Գեղարքունիքի մարզի Գավառ քաղաքը միջպետական ավտոճանապարհին կապող հանրապետական նշանակության 21 կմ երկարությամբ ճանապարհի 4 կմ հատվածում հիմնանորոգման և վերակառուցման աշխատանքները մեկնարկել են դեռևս հունիսի 18-ին:

2

Աշխատանքներն իրականացնող «Գավառի ՃՇՇ» ԲԲ ընկերության շինարարների վստահեցմամբ ճանապարհը շահագործման կհանձնվի նախատեսված ժամկետում՝ 2015թ. նոյեմբերի 12-ին։

3

Ընկերության գլխավոր ինժեներ Բաղդասար Նազարյանը նշում է, որ ճանապարհահատվածը 1986 թվականից հետո չէր նորոգվել։ Ճանապարհն ամբողջությամբ քայքայված էր. «Ճանապարհի էլեմենտները չէին համապատասխանում շինարարական նորմերին։ Պետք է կատարվեր ճանապարհի բոլոր տարրերի հիմնանորոգում:

4

Արդեն իրականացվել է հողային աշխատանքների 90 տոկոսը, կատարվել են փոսային նորոգման աշխատանքներ, ձեռք են բերվել գեոգրիդե ցանցեր, և շուտով կսկսենք ճանապարհի ասֆալտապատման աշխատանքները: Հսկողությունը շատ խիստ է, աշխատում ենք ժամանակակից բոլոր չափորոշիչներին համապատասխան»։

5

4 կմ ճանապարհահատվածի 1 կմ-ը, որը գրեթե անանցանելի էր, վերակառուցվում է, իսկ հաջորդ՝ 3 կմ-ում հիմնանորոգման աշխատանքներ են ընթանում։
Ասֆալտապատումն ավարտելուց հետո ճանապարհի ողջ երկայնքով կվերականգնվեն իջատեղերը և մուտքերը, ջրահեռացման համակարգը, ինչպես նաև կտեղադրվեն ճանապարհային նշաններ, ազդանշանային սյուներ, կկատարվի երթևեկելի մասի նշագծում:

6

ՀՀ տրանսպորտի և կապի նախարարության «Տրանսպորտի ԾԻԳ» պետական հիմնարկի տնօրեն Էմիլ Սարգսյանի համոզմամբ՝ աշխատանքների ավարտից հետո կունենանք որակյալ ճանապարհ:

10

Հսկողությունն ամենօրյա է։ Աշխատանքները նորմալ հունով ընթանում են: Կատարվող աշխատանքների վերաբերյալ պարբերաբար զեկուցում ենք ՀՀ տրանսպորտի և կապի նախարար Գագիկ Բեգլարյանին,- նշեց Է. Սարգսյանը:

7

Հիմնանորոգվող ճանապարհահատվածի տեխնիկական հսկողությունն իրականացնում է «ՄԳ Պրոմիլ» ՍՊ ընկերությունը։ Ընկերության մասնագետները կատարում են շինարարական աշխատանքների որակի ամենօրյա ստուգումներ։ Ընկերության տնօրեն Մինաս Գրիգորյանը հավաստիացնում է, որ աշխատանքները կատարվում են շինարարական նորմերին համապատասխան։

8

Իսկ ավելի քան 10 տարի ճանապարհներ կառուցող բանվոր Պետրոսը համոզված է, որ իրենց կառուցած ճանապարհը առնվազն 30 տարվա երաշխիք ունի:
Ծովազարդ գյուղի բնակիչ Օնիկ Քոչարյանն էլ, ով նշված ճանապարհով հաճախ է բարեկամների տուն գնում, նշում է, որ նախկին ճանապարհը քանդված էր և գրեթե անանցանելի, բայց հիմա տեսնում է, որ շատ լավ աշխատանք է կատարվում։

9

Գավառ քաղաքը միջպետական ավտոճանապարհին կապող ճանապարհի 4 կմ հատվածի հիմնանորոգման աշխատանքները կատարվում են պետական բյուջեի կողմից ֆինանսավորվող «ՀՀ պետական նշանակության ավտոճանապարհների հիմնանորոգում» ծրագրի շրջանակներում: Ծրագրի արժեքը 386 267 310 ՀՀ դրամ է։

Այլ մանրամասներ՝ տեսանյութում…

ՀՀ տրանսպորտի և կապի նախարարության
լրատվական ծառայություն