Արթիկի տարածաշրջանի՝ Հոռոմ-Արթիկ և Ապարանի տարածաշրջանի՝ Քուչակ-Միրաք ավտոճանապարհներին բուք է

By | 31.01.2020 16:54

Հունվարի 31-ին՝ ժամը 17:00-ի դրությամբ, Աշոցքի, Արթիկի և Ապարանի տարածաշրջանների ավտոճանապարհներին ձյուն է տեղում։

Արթիկի տարածաշրջանի՝ Հոռոմ-Արթիկ և Ապարանի տարածաշրջանի՝ Քուչակ-Միրաք ավտոճանապարհներին բուք է։

Վարդենյանց լեռնանցքը ծանրաքաշ և կցորդիչով տրասնպորտային միջոցների համար դժվարանցանելի է։

Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:

ՀՀ միջպետական և հանրապետական նշանակության բոլոր ավտոճանապարհները բաց են:

Վթարներից, պատահարներից և խցանումներից խուսափելու նպատակով վարորդներին խորհուրդ է տրվում երթևեկել բացառապես ձմեռային անվադողերով: